«Երևանի Մալաթիա-Սեբաստիայի Շախմատի Մանկապատանեկան Մարզադպրոց» ՀՈԱԿ-ում շախմատի խմբակային դասընթացներն անցկացվում են շաբաթական 6 օր՝ երկուշաբթիից շաբաթ, յուրաքանչյուր խմբի համար շաբաթական 3 օր՝ 2 ակադեմիական ժամով: Պարապունքներն անցկացվում են անվճար հիմունքներով:

Մարզադպրոց կարող են ընդունվել՝

• 5 և 6 տարեկան երեխաներ՝ շախմատի զրոյական իմացությամբ,
• 7 տարեկան երեխաներ՝ շախմատի տարրական գիտելիքների առկայության դեպքում (ընդունող հանձնաժողովի որոշմամբ),
• 8 տարեկան երեխաներ, ովքեր ունեն շախմատային IV կարգ (ընդունող հանձնաժողովի որոշմամբ),
• 9 տարեկան և բարձր երեխաներ (ընդունող հանձնաժողովի որոշմամբ):

Մարզադպրոց ընդունվելու համար անհրաժեշտ է ներկայացնել հետևյալ փաստաթղթերը̀

• դիմում (լրացվում է տեղում),
• անհատական թերթիկ (լրացվում է տեղում),
• երեխայի ծննդյան վկայականի պատճեն,
• ծնողի անձնագրի պատճեն,
• 1 լուսանկար (3x4 չափսի);
• շախմատային կարգը հաստատող գրքույկ (կարգ ունենալու դեպքում):

Հերթագրումը կատարվում է ամբողջ տարվա ընթացքում: Նոր խմբի ձևավորման դեպքում հերթագրված երեխաները տեղեկացվում են հեռախոսազանգի միջոցով (ըստ հերթագրման հերթականության):

Այլ շախմատային մարզադպրոցներից «Երևանի Մալաթիա-Սեբաստիայի Շախմատի Մանկապատանեկան Մարզադպրոց» ՀՈԱԿ տեղափոխությունը կատարվում է տարեկան 2 անգամ՝ մայիս ամսին՝ Հայաստանի պատանիների առաջնության եզրափակիչ մրցաշարից հետո, նոյեմբեր ամսին՝ Աշխարհի և Եվրոպայի պատանիների առաջնություններից հետո: