Երևանի Նորք-Մարաշի շախմատի մանկապատանեկան մարզադպրոցում շախմատի խմբակային դասընթացներն անցկացվում են շաբաթական 6 օր, սկսած երկուշաբթի օրվանից մինչև շաբաթ, յուրաքանչյուր խմբի համար շաբաթական 3 օր՝ ԱՆՎՃԱՐ հիմունքներով:

Մարզադպրոց կարող են ընդունվել.

• 5, 6 և 7 տարեկան սկսնակ երեխաներ, որոնք կուսուցանեն շախմատ` սկսած առաջին քայլերից,
• 8 տարեկան երեխաններ, ովքեր ունեն շախմատից 4-րդ կարգ կամ 1 բալ,
• 9-10 տարեկան երեխաներ, ովքեր ունեն շախմատից 3-րդ կարգ,
• 11-12 տարեկան երեխաներ, ովքեր ունեն շախմատից 2-րդ կարգ,
• 13-14 տարեկան երեխաներ, ովքեր ունեն շախմատից 1-ին կարգ:

Երևանի Նորք-Մարաշի շախմատի մանկապատանեկան մարզադպրոց ընդունվելու համար անհրաժեշտ է ներկայացնել հետևյալ փաստաթղթերը̀

• երեխայի ծննդյան վկայականի պատճեն,
• 1 լուսանկար (3x4 չափսի),
• շախմատային կարգը հաստատող գրքույկ (կարգ ունենալու դեպքում),
• դիմում ՝ գրված ծնողի կողմից:

Հերթագրումը կատարվում է ամբողջ ուսումնական տարվա ընթացքում: Նոր խմբի ձևավորման դեպքում հերթագրված երեխաները տեղեկացվում են հեռախոսազանգի միջոցով (ըստ հերթագրման հերթականության):