Չիգորինի խորհրդանշական ակումբը միավորում է այն շախմատիստներին, ովքեր ստանդարտ շախմատի կանոններով անցկացված մրցաշարերում հաղթում են աշխարհի գործող չեմպիոնին։ Հաշվի չեն առնվում բլիցի, արագ շախմատի մրցաշարերը և ընկերական խաղերը։

Այս ակումբի նախաձեռնողն է Վիտալիյ Գնիրենկոն, իսկ ակումբը կոչվել է ռուս շախմատիստ Միխայիլ Չիգորինի պատվին, քանի որ նա առաջինն էր, ով 1989 թվականին հաղթեց աշխարհի առաջին չեմպիոն Վիլհելմ Ստեյնիցին։

Շատ հայտնի շախմատիստներին չի հաջողվել մուտք գործել այս ակումբ, ինչպիսիք են` Նիմցովիչը, Մարոցին, Շտեյնը, Պոլուգաևսկին։

Հաջողության չեն հասել նույնիսկ Ֆիդե-ի գծով աշխարհի չեմպիոններ Խալիֆմանը և Կասիմջանովը։

Այս պահին ակումբի անդամ են 115-ը, ընդ որում, դառնալով աշխարհի չեմպիոն, շախմատիստները «կորցնում են» իրենց տեղը այս ակումբում։

Ցուցակներից հանվել է 14 աշխարհի չեմպիոնի անուն։ Ընդ որում՝ Ստեյնիցը, Կարպովը և այժմյան չեմպիոն Լիրենը, երբեք այդ ցուցակում չեն եղել։

Ամենաշատը աշխարհի չեմպիոններին հաղթել է Թոփալովը՝ Կասպարովին, Կրամնիկին, Անանդին և Կարլսենին։

Կամսկին՝ 18 տարին չբոլորած, հաղթել է Կասպարովին՝ դառնալով ամենաերիտասարդը, ով մուտք է գործել ակումբ։

Ցավոք՝ ամենաարագ պարտության հեղինակը Պետրոսյանն է։ Լիբերզոնի հետ խաղում հանձնվել է 15-րդ քայլից հետո։

Առայժմ չեմպիոն կարգավիճակում ամենաշատ պարտությունը կրել է Մագնուս Կարլսենը (17 հոգի), որը բացատրվում է մրցաշարերից երբեք չխուսափելու և ռիսկի գնով հաղթանակի հասնելու ցանկությամբ։

Հայ շախմատիստներից ակումբում են Վլադիմիր Հակոբյանը և Լևոն Արոնյանը։

Ոչ մի շախմատիստուհի՝ նույնիսկ Վերա Մենչիկը և Հուդիթ Պոլգարը, չեն կարողացել մտնել ակումբ, քանի որ ստանդարտ շախմատում երբեք չեն հաղթել գործող չեմպիոնին։

2023 թվականին նոր մոտիվացիա կարող է լինել Դինգ Լիրենի աշխարհի չեմպիոն դառնալը։ Շատերը կձգտեն ակումբ մուտք գործելու հարմար առիթը բաց չթողնել, որոշներն էլ կփորձեն «դուրս գալ» ակումբից։

Չիգորինի ակումբի ամբողջական ցանկին կարող եք ծանոթանալ անցնելով հղումով։