Շախմատը կենսակերպ է
Ռոբերտ և Նելլի Գրիգորյանների հետ հարցազրույցը նախատեսել էինք անցկացնել քաղաքային այգիներից մեկում, սակայն եղանակը որոշեց մեր փոխարեն: Կենտրոնի շախմատի դպրոցում հանդիպեցինք ու հենց հարազատ միջավայրում էլ սկսեցինք խաղալ և զրուցել: Այս մարզադպրոցում են Ռոբերտն ու Նելլին կատարել իրենց շախմատային առաջին քայլերը և այժմ էլ իրենց հագեցած առօրյայի մի մասը պարտադիր նվիրում են շախմատին: Ֆիզիկա, մաթեմատիկա, լող… Ռոբերտի նախասիրություններում շախմատը լուրջ մրցակիցներ ունի, սակայն անփոխարինելի ուրախությամբ է հիշում, թե ինչպես 5 տարեկանում լրացրեց շախմատի 4-րդ կարգ: Այժմ ունի 1-ին կարգի 1 միավոր:Ռոբերտը նաև Դյուցազնագրքում է գրանցվել բնական գիտությունների բնագավառում փոքր տարիքից ունեցած գիտելիքների համար, ապա հայտնվել միջազգային հանրագիտարանի «Լավագույնը կրթության մեջ» անվանակարգում, 2018-2020 թվականներին հաղթել է մաթեմատիկայի հանրապետական օլիմպիադաներում և այս տարի արժանացել ՀՀ ԿԳՄՍ նախարարի անվանական կրթաթոշակի:
կա: Ըստ Ռոբերտի՝ պետք է պարզապես հաշվարկները ճիշտ կատարել, լինել հավասարակշռված և էմոցիաներին չտրվել, հակառակ դեպքում դժվար թե շախմատում հեշտ լինի հաղթելը: «Իհարկե, յուրաքանչյուր մարդ էլ պարտվելիս նեղվում է, սակայն հետո գալիս է վերլուծելու և սխալները չկրկնելու ժամանակը»,-ասում է Ռոբերտը ու հավելում՝ չպետք է մտածել, որ հաղթել ես, քանի դեռ խաղը չի ավարտվել:
