Երևանի Էրեբունու շախմատի մանկապատանեկան մարզադպրոց շախմատի խմբակային դասընթացներն անցկացվում են շաբաթական 6 օր՝ երկուշաբթիից շաբաթ, յուրաքանչյուր խմբի համար շաբաթական 3 օր` ԱՆՎՃԱՐ հիմունքներով:

Մարզադպրոց կարող են ընդունվել`

• 5 տարեկան սկսնակ երեխաներ, ում կուսուցանեն շախմատ` սկսած առաջին քայլերից,
• 6 տարեկան երեխաներ, ովքեր կընդունվեն գիտելիքների ստուգման կարգով (մեթոդիստի կողմից),
• 7 տարեկան երեխաներ, ովքեր ունեն IV կարգի I բալ,
• 8 տարեկան երեխաներ, ովքեր ունեն շախմատային IV կարգ,
• 9 տարեկան երեխաներ, ովքեր ունեն շախմատային III կարգ,
• 10-11 տարեկան երեխաներ, ովքեր ունեն շախմատային II կարգ,
• 12-13 տարեկաներեխաներ, ովքերունեն շախմատային I կարգ,
• 14-16 տարեկան պատանի շախմատիստ/շախմատիստուհիներ, ովքեր անցել են Հայաստանի պատանիների առաջնության տվյալ տարիքային խմբի եզրափակիչ փուլ,
• 17-18 տարեկան պատանի շախմատիստ/շախմատիստուհիներ, ովքեր տեղեր են զբաղեցրել Հայաստանի պատանիների առաջնության տվյալ տարիքային խմբի եզրափակիչ փուլի մրցաշարային աղյուսակի առաջին կեսում:

Մարզադպրոց ընդունվելու համար անհրաժեշտ է ներկայացնել հետևյալ փաստաթղթերը̀

• երեխայի ծննդյան վկայականի պատճեն,
• 2 լուսանկար (3x4 չափսի),
• շախմատային կարգը հաստատող գրքույկ (կարգ ունենալու դեպքում),
• ծնողների անձնագրերի պատճեները,
• առողջության վերաբերյալ տեղեկանք:

Հերթագրումը կատարվում է ամբողջ ուսումնական տարվա ընթացքում: Նոր խմբի ձևավորման դեպքում հերթագրված երեխաները տեղեկացվում են հեռախոսազանգի միջոցով (ըստ հերթագրման հերթականության):

Խմբի փոփոխման կամ այլ շախմատային մարզադպրոցներից Երևանի Էրեբունու շախմատի մանկապատանեկան մարզադպրոց տեղափոխվելու պարագայում անհրաժեշտ է ներկայացնել դիմում-հայտ: Տեղափոխման (ընդունելության) վերաբերյալ որոշումը կայացնում է ընդունող հանձնաժողովը` դիմում-հայտում ներկայացված տվյալների հիման վրա։