Երևանի Քանաքեռ-Զեյթունի շախմատի մանկապատենկան մարզադպրոցում շախմատի խմբակային դասընթացներն անցկացվում են շաբաթական 6 օր՝ երկուշաբթիից շաբաթ, յուրաքանչյուր խմբի համար շաբաթական 3 օր՝ ԱՆՎՃԱՐ հիմունքներով:

Մարզադպրոց կարող են ընդունվել՝

• 5 տարեկան սկսնակ երեխաներ, ում կուսուցանեն շախմատ` սկսած առաջին քայլերից,
• 6 տարեկան երեխաներ, ովքեր գիտեն քայլերը,
• 7 տարեկան երեխաներ, ովքեր կընդունվեն գիտելիքների ստուգման կարգով (ընդունող հանձնաժողովի կողմից), կամ նրանք, ովքեր ունեն IV կարգի I բալ,
• 8 տարեկան երեխաներ, ովքեր ունեն շախմատային III կարգ,
• 9 տարեկան երեխաներ, ովքեր ունեն շախմատային II կարգ,
• 10 տարեկան երեխաներ, ովքեր ունեն շախմատային I կարգ (ընդունող հանձնաժողովի որոշմամբ):

Մարզադպրոց ընդունվելու համար անհրաժեշտ է ներկայացնել հետևյալ փաստաթղթերը̀

• երեխայի ծննդյան վկայականի պատճեն,
• 1 լուսանկար (3x4 չափսի),
• շախմատային կարգը հաստատող գրքույկ (կարգ ունենալու դեպքում):

Հերթագրումը կատարվում է ամբողջ ուսումնական տարվա ընթացքում: Նոր խմբի ձևավորման դեպքում հերթագրված երեխաները տեղեկացվում են հեռախոսազանգի միջոցով (ըստ հերթագրման հերթականության):

Խմբի փոփոխման կամ այլ շախմատային մարզադպրոցներից տեղափոխվելու պարագայում անհրաժեշտ է ներկայացնել դիմում-հայտ: Տեղափոխման (ընդունելության) վերաբերյալ որոշումը կայացնում է ընդունող հանձնաժողովը` դիմում-հայտում ներկայացված տվյալների հիման վրա։