Սույն թվականի հունվարի 23-ին, Տիգրանի Պետրոսյանի անվան շախմատի տանը, ավարտվեցին Հայաստանի առաջնությունները։ Տղամարդկանց պայքարում հաղթող դարձավ և Հայաստանի հավաքականի կազմը համալրեց Սամվել Տեր-Սահակյանը։ Սամվելի արդյունքն էր՝ 9 հնարավորից 6 միավոր։ Երկրորդ և երրորդ տեղերը, հավասար՝ 5․5 միավորով, կիսեցին Հայկ Մարտիրոսյանը և Ռոբերտ Հովհաննիսյանը։

Աղբյուր

Հայաստանի տղամարդկանց շախմատի 80-րդ առաջնություն

Նախկին հաղթողների ցանկը

Կանանց պայքարում հաղթող ճանաչվեց Մարիա Գևորգյանը։

Մարիան այս տարի դարձավ հավաքականի խաղացող, հավաքելով 9 հնարավորից 8 միավոր։

Երկրորդը, 7 միավորով՝ Սուսաննա Գաբոյանն էր, իսկ եռյակը եզրափակեց 5․5 միավոր հավաքած Մարիա Կուրսովան։

Աղբյուր

Հայաստանի կանանց շախմատի 75-րդ առաջնություն

Նախկին հաղթողների ցանկը

Երկու օրվա պայքարից հետո որոշվեց նաև արագ շախմատի Հայաստանի չեմպիոնի անունը։ Մրցաշարը կրում էր Հայաստանի 8-ակի չեմպիոն, երջանկահիշատակ՝ Աշոտ Անաստասյանի անունը։ 9-ից 7․5 միավորով հաղթեց Հայկ Մարտիրոսյանը, 7 միավորով երկրորդը Արթուր Դավթյանն էր, իսկ Զավեն Անդրիասյանը 6․5 միավորով կիսելով մի քանի շախմատիստի հետ, լրացուցիչ արդյունքներով ճանաչվեց երրորդը։

Աղբյուր

Հայաստանի 2020 թվականի արագ շախմատի առաջնություն

Առաջին անգամ մրցաշարի արդյունքները ուղարկվեցին ՖԻԴԵ՝ արագ շախմատի վարկանիշի հաշվարկի համար։