Շախմատային մրցաշար՝ Տիգրան Պետրոսյանի ծննդյան օրվա առթիվ


Շիրակացու ճեմարան գիտակրթական համալիրը և Երևանի շախմատի ֆեդերացիան կազմակերպեցին շախմատի մրցաշար։ Այն նվիրված էր լեգենդար շախմատիստ, աշխարհի 9-րդ չեմպիոն Տիգրան Պետրոսյանի ծննդյան օրվան։

Շախմատի մրցաշարին մասնակցեցին ճեմարանի սաները։ Մրցաշարը անցկացվեց 2 փուլով։ Շախմատիստները ստացան պատվոգրեր և գրքեր։

Մրցաշարին հետևեց հայ շախմատիստ, գրոսմայստեր, այդ կոչմանն արժանացած հայաստանցի առաջին շախմատիստ Ռաֆայել Վահանյանը։ Նա ողջույնի խոսքով հանդես եկավ և պատասխանեց շախմատային կյանքում առաջին քայլերն անող երեխաների հարցերին։

Իր ելույթում Երևանի շախմատի ֆեդերացիայի փոխնախագահ Նորայր Քալանթարյանը շնորհակալություն հայտնեց երեխաներին՝ շախմատը կարևորելու և դրանով զբաղվելու համար։

Շիրակացու ճեմարան գիտակրթական համալիրի տնօրեն Աշոտ Ալիխանյանը շնորհակալություն հայտնեց Երևանի շախմատի ֆեդերացիային՝ այս միջոցառումը կազմակերպելու և Տիգրան Պետրոսյանի ծննդյան օրը շախմատիստների համար տոն դարձնելու համար։

Տիգրան Պետրոսյանի ծննդյան օրվա առթիվ ճեմարանի շախմատիստ սաները դիտեցին լեգենդար շախմատիստի մասին պատմող ֆիլմը։

Ֆոտոշարքը այստեղ