Երևանի շախմատի ֆեդերացիան Ժանսայա Աբդումալիկի շախմատի ակադեմիայի հետ համատեղ, մայիսի 2-ին ժամը 17:00-ին կազմակերպում է Ղազախստան-Հայաստան կայծակնային շախմատի ինտերնետային մրցամարտ 100 խաղատախտակի վրա՝ նվիրված ՀՀ վաստակավոր մարզիչ, ՖԻԴԵ-ի ավագ մարզիչ, գրոսմայստեր Արսեն Եղիազարյանի հիշատակին:

Մրցամարտն անցկացվելու է lichess.org շախմատային հարթակում: Յուրաքանչյուր զույգ կխաղա 4 պարտիա: Ժամակարգը՝ 3-ական րոպե մինչև պարտիայի ավարտը, յուրաքանչյուր քայլի համար 1 վայրկյան հավելումով՝ սկսած 1-ին քայլից:

Թիմերի կազմերը համալրելու են նշանավոր շախմատիստներ, պատգամավորներ և 8-ից մինչև 18 տարեկան պատանիներ և աղջիկներ։

Նախատեսված է առաջին խաղափուլը սկսել 17։00-ին, այնուհետև 17։15, 17։30 և 17։45։ Սակայն եթե զույգերը պատրաստ են, կարող են մարտահրավեր նետել անմիջապես խաղն ավարտելուց հետո։

Ըստ պայմանավորվածության՝ առաջին և երրորդ խաղափուլերում սպիտակներով կխաղա Ղազախստանի հավաքականը։

Ստորև ներկայացված ֆայլն անընդհատ թարմացվելու է։ Խնդրում ենք ուշադիր լինել և հետագայում գտնել մրցակցի կեղծանունը (nickname), որպեսզի ժամը 17։00-ին հրավիրեք խաղի։ Հաջորդ պարտիաներում կարող եք սեղմել «реванш» կոճակը։

02.05.2020 - 14:45

Մրցակիցների նախնական անունները արդեն կան։ Մրցակցին գտեք Lichess-ում, կարող եք նաև ընկերանալու կոճակը սեղմել, որ հետո ավելի հեշտ գտնեք իրեն։ Խնդիր տեսնելու դեպքում հայտնեք։

Kazakhstan-Armenia-match 100 boards 02-14։45.xlsx

Կայքում ստեղծվել է մրցաշար մյուս մասնակիցների համար, ովքեր չեն կարող այստեղ մասնակցել, սակայն այնտեղի զրուցարանը կարող եք օգտագործել նաև այս մրցաշարի համար` https://lichess.org/tournament/NAEmug7B

Հարցերի դեպքում կապ պահեք Մեժլումյան Վահրամի հետ՝ https://lichess.org/@/muran29 և գրեք նամակներ այս պրոֆիլին։

Մրցաշարի արդյունքներին կարող եք հետևել chess-results.com կայքի միջոցով։

Հակիրճ ծանոթացեք գրանցմանը և մրցակցին խաղի հրավիրելուն։ Ցանկալի է կայքը դարձնել ռուսերեն։

1․ Լեզուն փոխելը

2․Մուտք գործելը և գրանցվելու կոճակը

3․Լրացնել տվյալները

4․Համաձայնվել կայքի պայմաններին, կարմիրը դարձնել կանաչ

5․Ուղարկել խաղ մրցակցին

6․Պարամետրերը կարգավորել, ուղղել ժամակարգը 3+1 և Հայաստանի դեպքում սեղմել սև արքայի վրա։ Առաջին մրցափուլում մենք խաղալու ենք սև խաղաքարերով

7․Excel ֆայլից արտագրել Ձեր մրցակցի «կեղծանունը»

8․Այստեղ կստանաք հրավեր, եթե մրցակիցն է Ձեզ խաղի կանչում

Մասնակիցների քանակը շատ է, ուստի խնդրում ենք լինել կարգապահ և հանդուրժող, նաև նախօրոք հաստատեք մասնակցությունը (մինչև ապրիլի 30-ը, ժամը 23։59)՝ գրելով Մեժլումյան Վահրամին։ Բոլորին մաղթում ենք հաճելի խաղ։